2010 წლის 7 ნოემბერს ჩვენი სკოლის პედაგოგიურმა კოლექტივმა მოაწყო ექსკურსია დავით-გარეჯის სამონასტრო კომპლექსში, რომელიც საგარეჯოს რეგიონში უდაბნოში მდებარეობს. დავით -გარეჯის როლი ფასდაუდებელია ქართული კულტურის განვითარებაში.”მივცეთ დავით-გარეჯი ერს, რომელსაც ისტორია არა აქვს და ისტორია ექნებაო”- ბრძანა აკადემიკოსმა ნიკო კეცხოველმა. იგი აუგია მე-6 საუკუნეში დავით გარეჯელს. დავითის ლავრა,ნათლისმცემელი და დოდოს რქა ყველაზე ძველია.სულ თექვსმეტამდე კომპლექსია, მაგრამ ყველას ნახვა ვერ მოხერხდა . აქ შუასაუკუნეებში გახსნილი იყო სამხატვრო სკოლა,რომლის როლი დიდია ფერწერული ხელოვნების განვითარებაში. განსაკუთრებით შთამბეჭდავი იყო ბერთებნის ,უდაბნოს და ნათლისმცემლის ფრესკები. აქ განისვენებენ (დავითის ლავრაში) დავით გარეჯელი, მისი მოწაფე ლუკიანე, დოდო გარეჯელი.დავით-გარეჯის არქიტექტურის მრავალფეროვნებამ განსაკუთრებული შთაბეჭდილება მოახდინა ჩვენზე.
Комментариев нет:
Отправить комментарий