ზღარბი ხუჭას თავგადასავალი

2014 წლის 20 ივნისს პირველ კლასში (ხელმძღვანელი ლიკა ნარჩემაშვილი ) სასწავლო
წელი დასრულდა საჩვენებელი სპექტაკლით  "ზღარბი ხუჭას თავგადასავალი".
სპექტაკლში მონაწილეობა მიიღო ყველა მოსწავლემ.აქტიურად მონაწილეობდა ყველასთვის საყვარელი ნინი. სპექტაკლმა დიდი მოწონება დაიმსახურა მასწავლებლებში,მშობლებსა და მოწვეულ სტუმრებში.ბავშვები მომავალ სასწავლო წლამდე დაემშვიდობნენ საყვარელ მასწავლებლებს.

დიდი ილია

2014 წლის 12 ივნისს მე-3 კლასში (ხელმძღვანელები:  მაია ზაზიკაშვილი ირმა მაისურაძე) ჩატარდა სასწავლო -შემოქმედებითი ღონისძიება მიძღვნილი ილია ჭავჭავაძისადმი.ბავშვებმა წარმოადგინეს ილიას ბიოგრაფია,შემოქმედება,წაიკითხეს ლექსები,დადგეს მინი სპექტაკლი "ლუარსაბ თათქარიძე" .ღონისძიება დაამთავრეს სიმღერით  "ჩემო კარგო ქვეყანა".
ღონისძიება მეტად საინტერესოდ და ხალისიანად წარიმართა.

დამშვიდობება

2014 წლის 12 ივნისს ჩატარდა მე-4 კლასის გამოშვება-კლასის ხელმძღვანელი ია დავითულიანი.
ბავშვები გამოემშვიდობნენ  , მასწავლებლებს. მოეფერნენ მშობლებს , მათ გამზრდელ ბებია-ბაბუებს , რომლებიც აღტაცებით, ცრემლმორეულები უყურებდნენ თავის შვილებს.
 მოსწავლეები ცდილობდნენ თავი გამოეჩინათ დამსწრეთა წინაშე.უჩვენეს ინსცენირებები , მინისკეტჩები, იცეკვეს და იმღერეს.
ამაჩუყებელი იყო ბავშვების გამომშვიდობება პირველ მასწავლებელთან. იყო ყვავილები და სამახსოვრო საჩუქრები.

დრო ჩიტივით გაფრინდა

"მე თქვენში დიდი გული ჩავდე , პატარა გულებით სავსე ..."

2014 წლის 11 ივნისს ჩატარდა მე-4 ა კლასის გამოშვება.
 კლასის ხელმძღვანელი ნელი თევზაძე.ბავშვებმა წარმოადგინეს ოთხი წლის განმავლობაში შესწავლილი მასალა. ღონისძიება მიეძღვნა საქართველოს,დედას, მასწავლებელს,სიყვარულს.საღამო მხიარული ,ლექსით, ცეკვებით და სიმღერებით
დატვირთული გამოვიდა.სკოლის კედლებმაც იგრძნეს მეოთხეკლასელების სიხარული.
უხაროდათ მშობლებს, მასწავლებლებს,ბებია-ბაბუებს.ყველა კმაყოფილი და ბედნიერი იყო.

ვიდეო https://www.youtube.com/watch?v=TI1uekboS94&list=HL1403635710&feature=mh_lolz

მე-4 კლასის გამოშვება

2014 წლის 10 ივნისს  მე-4 გ კლასის  მოსწავლეებმა ,ხელმძღვანელი მედიკო ტაბიძე, წარმოადგინეს  ლიტერატურული  კომპოზიცია
"სხვა საქართველო სად არის".
ღონისძიება ეძღვნებოდა მეოთხე კლასის გამოშვებას.ბავშვებმა წაიკითხეს ლექსები,
იმღერეს.გარდა კომპოზიციისა   ინგლისურად დადგეს სპექტაკლი "კონკია" , რომელსაც
ხელმძღვანელობდა ინგლისურის პედაგოგი მადონა გორხელაშვილი. ბავშვების შრომას
უკვალოდ   არ ჩაუვლია , მათ მასწავლებლებისა და მშობლების დიდი მოწონება და შექება დაიმსახურეს.

ანტინარკოტიკული კამპანია

2014 წლის 11 ივნისს ჩვენ სკოლაში ჩატარდა ღონისძიება ანტინარკოტიკულ და ძალადობის  თემაზე. ღონისძიება ორგანიზებული იყო საქართველოს მთავარი პროკურატურის სტატისტიკის, ანალიზისა და ინოვაციური პროექტების სამმართველოს მიერ. ბავშვების  მხრიდან  აღნიშნულმა თემამ დიდი ინტერესი გამოიწვია რაც მათ შეკითხვებში აისახა. აღნიშნული ღონისძიებები მეტად სასარგებლო და მნიშვნელოვანია ჯანსაღი თაობის აღზრდის საქმეში.