გამარჯვებულები

             

                         მოსწავლეთა  69-ე  სასწავლო-შემოქმედებითი  კონფერენცია

2015 წლის 20 აპრილს მოსწავლეთა ახალგაზრდობის სასახლეში ჩატარდა 69-ე სასწავლო-შემოქმედებითი კონფერენცია, სადაც თავიანთი ნაშრომები წარადგინეს 160-ე საჯარო სკოლის მე-10 კლასელმა მოსწავლეებმა:

   1.       ნატა ბეგოიძემ                                

   2.       ნათია ქობალიამ

   3.       მარიამ ტოროსიანმა   

   4.       სალომე გორგიძემ

   5.       სოფო მეტრეველმა

   6.       მარიამ ჯაჯანიძემ

   7.       ვერიკო კუპრავამ

სსიპ საქართველოს მოსწავლე-ახალგაზრდობის ეროვნული სასახლის დირექტორმა-ქ.-მა ქ. ფეიქრიშვილმა და ბუნების დაცვის (ბიოლოგიის) სექციის თანამშრომლებმა: მარინა აკიშბაიამ და ხათუნა შალიკაშვილმა მოსწავლეები საინტერესო ნამუშევრების წარდგენისთვის დიპლომებით დააჯილდოეს, ხოლო მათ ფასილიტატორს- მანანა ბერიკაშვილს კონფერენციაში აქტიური მონაწილეობისთვის მადლობის ფურცელი გადასცეს.

"ფსიქოაქტიური ნივთიერებები"

 

06.04.2015 წელს მე-10 კლასში ჩატარდა სამოდელო გაკვეთილი ბიოლოგიაში (მასწავლებელი მანანა ბერიკაშვილი) თემაზე: „ფსიქოაქტიური ნივთიერებები“-ნერვულ სისტემაზე მოქმედი ნივთიერებები, სტიმულატორები, დეპრესანტები, ნარკოტიკები, ჰალუცინოგენები.

გაკვეთილის მიზანი იყო: მოსწავლეები გაერკვნენ
პათოლოგიური დამოკიდებულების არსში, გააცნობიერონ, რას ნიშნავს იყო დამოკიდებული, რა პრობლემებს უქმნის ადამიანს პათოლოგიური დამოკიდებულება.

რეფერატების სახით წარმოდგენილი მასალის საფუძველზე მოსწავლეებმა იმსჯელეს ჯანსაღი ცხოვრების წესის შესახებ, განსაზღვრეს დამოკიდებულების ჩამოყალიბების საწინააღმდეგო პრევენციული ღონისძიებები, რომელთა გათვალისწინებით შესაძლებელია ჯანმრთელობის და ხანგრძლივი სიცოცხლის შენარჩუნება.

ისტ-ის გარეშე?

2015  წლის 3 აპრილს ჩატარდა შემაჯამებელი გაკვეთილი  "ი ს ტ-ის  გარეშე ?"
( მე-6 ა კლასი პედაგოგი თინათინ ხუციშვილი)
შემაჯამებელ გაკვეთილს ეს სათაური დაერქვა მას შემდეგ რაც მასწავლებლის თხოვნით  ერთ შაბათ-კვირას ბავშვებმა ჩაატარეს ერთგვარი ექსპერიმენტი -" 2 დღე ინფორმაციული საკომუნიკაციო ტექნოლოგიების გარეშე". მათ არ უნდა გამოეყენებინათ ისტ და უნდა მოეძებნათ კავშირის რაიმე სხვა საშუალება. სკოლაში მოსულებს  კი უნადა გაეზიარებინათ  ორი დღის ემოციები და შთაბეჭდილებები. დაისვა კითხვის ნიშანი შესაძლებელია თუ არა დღეს  ისტ-ს გარეშე არსებობა და რა დადებითი და უარყოფითი მხარეები არსებობს ორივე შემთხვევაში. მოსწავლეებმა წარმოადგინეს ორი დღის შთაბეჭდილებები, თითოეულმა მათგანმა  აღმოაჩინა მისთვის სასიამოვნო მომენტები ამ სიტუაციაში  მაგრამ ყველამ ერთხმად აღიარა რომ ძალიან გაუჭირდა  კომპიუტერის გარეშე და უფრო მეტად დარწმუნდნენ ისტ-ის სწავლების აუცილებლობაში.გაკვეთილის მეორე ნაწილში მოსწავლეებმა ისაუბრეს მათ მიერ შესწავლილ  პროგრამებზე  და ზოგადად ინფორმაციულ საკომუნიკაციო ტექნოლოგიებზე  შემდეგ კი სასურველი თემა აირჩიეს და კომპიუტერზე შეასრულეს : "გაზაფხული",  "ზაფხული","აღდგომა", "დედის დღე",  "ანკეტა-კითხვარი", "ილია ჭავჭავაძე", "სპორტული შეჯიბრი"...და სხვა. შემაჯამებელმა გაკვეთილმა მოწონება და დადებითი შეფასება დაიმსახურა.