ექსკურსია ბოტანიკურ ბაღში

2010 წლის 1 დეკემბერს ჩვენი სკოლის მე-3 კლასის მოსწავლეებმა
კლასის ხელმძღვანელი -ნუნუ ბაკურაძე , მოაწყეს ექსკურსია
ბოტანიკურ ბაღში. ექსკურსიის მიზანი იყო დაკვირვება  ბუნებაზე.
ბავშვებმა მოკლე ჩანაწერები გააკეთეს ბუნების მრავალფეროვნებაზე.
ეს აქტივობა ბავშვებს მისცემს გამოკვლევის და ექსპერიმენტების
ჩატარების უნარ-ჩვევების გამომუშავებას.

ინგლისურის გაკვეთილი

ჩვენი სკოლის ინგლისურის პედაგოგი მარიამ ლოლაძე ინგლისუენოვან ფილმს აჩვენებს მე–11 კლასელებს, რომლის შემდგომ ჩატარდება ფილმის მიმოხილვის გაკვეთილი ინგლისელ მასწავლებელთან დანიელ კლინტონტან ერთად.

უსაფრთხო სკოლა

 თბილისის # 160-ე საჯარო სკოლაში 2010 წლის 13 დეკემბერს ევროსაბჭოსა და საქართველოს განათლებისა და მეცნიერების სამინისტროს მოერ ორგანიზებული
”უსაფრთხო სკოლის”ტრენინგის მონაწილე პედაგოგმა მიმოზა მაისურაძემ, თავის სკოლაში ჩაატარა I ტრენინგი,რომელშიც მონაწილეობა მიიღო სკოლის საზოგადოების წევრებმა:
X კლასის მოსწავლეებმა, სკოლის დირექტორმა, ისტ-ს მენეჯერმა, მასწავლებლებმა,მანდატურმა,ფსიქოლოგმა,
ტრენინგის თემა: 1.რას ნიშნავს უსაფრთხო სკოლა,
                                2.სტერეოტიპების მსხვრევა,
                                3. კომუნიკაცია.
                                4. სოციუმში ჰარმონიული თანაცხოვრება
 ტრენინგმა დიდი მოწონება დაიმსახურა,
მონაწილეებმა სურვილი გამოთქვეს მომდევნო ტრენინგებში მონაწილეობაზე.

შიდსი-მსოფლიო პრობლემა

მე-20 საუკუნის ბოლოს მეცნიერებს დიდი თავსატეხი გაუჩინა
აივ – ვირუსის მოქმედებით გამოწვეულმა დაავადებამ, რომელსაც
შიდსი (შეძენილი იმუნო – დეფიციტის სინდრომი) ეწოდება.
1-5 დეკემბერი აღინიშნება მსოფლიოში აივ – ვირუსის
გავრცელების წინააღმდეგ ბრძოლის დღეებად. 9 კლასის
მოსწავლეები გამოეხმაურნენამ თარიღს და კლასის
ორგანიზატორის – თეონა ნადირაძის თაოსნობით
2 დეკემბერს მოაწყვეს დისკუსია თემაზე: ,,შიდსის წინააღმდეგ
ბრძოლის დღეები საქართველოში”.
 დისკუსიაში მონაწილეებმა გააკეთეს პრეზენტაცია, რომელზეც იმსჯელეს: ვირუსის გადაცემის გზებზე და პრევენციულ ღონისძიებებზე საქართველოში აივ – ვირუსის გავრცელების ხელისშემწყობ ფაქტორებზე. აღნიშნეს, რომ ვირუსის მატარებელი ადამიანი ინფიცირებულია, მაგრამ ვირუსის გადაცემის გზების გათვალისწინებით მისი გარიყვა ადამიანებისგან არ შეიძლება, იგი საზოგადოებისთვის მისაღები პიროვნებაა და აქტიურად უნდა იქნას ჩართული საზოგადოებრივ ცხოვრებაში, სპორტულ ცხოვრებაში (მაგალითად: ჭადრაკი, შაში) და მისთვის საგანგებოდ შერჩეულ შრომით საქმიანობაში.

ისტორიის შემაჯამებელი გაკვეთილი

2010 წლის 26 ნოემბერს საზოგადოებრივ მეცნიერებათა კათედრის კვირეულთან დაკავშირებით, პედაგოგ ლალი კაპანაძის მიერ, X კლასში ჩატარდა გაკვეთილი-სემინარი თემაზე: ”რა არის ისტორია”. სემინარის მიზანი იყო აგვეხსნა:
1. ისტორიის, როგორც მეცნიერების არსი;
2. რა სახის მეცნიერებები და დისციპლინები გვეხმარებიან ისტორიული წყაროების კვლევასა და ანალიზის პროცესში;
3. რა უნდა გაითვალისწინოს მკვლევარმა ისტორიული ნაშრომის შექმნის პროცესში
 ზემოთ აღნიშნულ საკითხებთან დაკავშირებით, მოსწავლეებმა წარმოადგინეს, როგორც საპროგრამო, ისე დამატებითი ლიტერატურიდან მოძიებული ინფორმაცია, რაც შესაბამისად გაჯერებული იყო მრავლფეროვანი, შემეცნებითი ვიზუალური მასალით. მათ წარმოაჩინეს კვლევის, ინფორმაციის დაჯგუფების, კრიტიკული აზროვნების, პარალელების გავლების უნარები.
 შემაჯამებელ ეტაპზე მოსწავლეებმა მასწვლებელთან ერთად შეაჯამეს გაკვეთილზე განხილული საკითხები, საინტერესოდ ჩამოაყალიბეს ისტორიის არსი, დანიშნულება და მისი შესწავლის აუცილებლობა.

English lessons

 English lessons in the 11^th grade are always very creative but they have become more exciting and interesting by collaboration with English volunteer teacher. All the students are involved in dialogue and they are practising their speaking and listening skills with enthusiasm. Tbilisi Public School 160 English teacher Mariam Loladze and English volunteer teacher Daniel Clinton from England, Birmingham are conducting the lesson together. Topic is: ``What we want the foreigners to see in our culture``.
ინგლისური ენის გაკვეთილი მე–11 კლასში ყოველთვის
 შემოქმედებითი ხასიათისაა. ინგლისელ მასწავლებელთან
თანამშრომლობამ კიდევ უფრო ხალისიანი და საინტერესო
გახადა ყოველი დღე. კლასის ყველა მოსწავლე ერთნაირი
ენთუზიაზმით არის ჩაბმული დიალოგში და ისინი დიდ
გამოცდილებას იძენენ მეტყველებასა და უცხო კულტურის
მქონე ადამიანთან ურთიერთობისას. ჩვენი სკოლის ინგლისური
ენის პედაგოგი მარიამ ლოლაძე და ინგლისელი მასწავლებელი,
ქალაქ ბერმინგემის მკვიდრი დანიელ კლინტონი ერთად ატარებენ
 გაკვეთილს. გაკვეთილის თემაა:“ რა გვინდა რომ დაინახონ
 უცხოელებმა ჩვენ კულტურაში .“